Зохиолч: Сүгимото Рэйко
Зураач: Фүкүда Тошио, Акико
Орчуулсан: Батсайханы Есүлэн
Өнгийн харандаагаар тог гэж дартал,
нэг цэг.
Нэг цэг нэг л уйтгартай байх чинь.
Тог тог гэж дартал,
хоёр цэг.
Хоёр адилхан цэгтэй болчихлоо, ямар гоё вэ.
Хоёр цэгийг хооронд нь холбоод үзтэл зураас болчихлоо.
Тог тог тог гэж дартал,
гурван цэг.
Холбосоор холбосоор гурвалжин хэлбэртэй уул болчихлоо.
Гурвалжин хэлбэртэй малгай ч гэсэн зурчих юм байна шүү.
Тог тог тог тог гэж дартал,
дөрвөн цэг.
Цэгүүдийг холбож зурсаар дөрвөлжин дүрс болчихлоо.
Зурагт ном уу, алчуур уу?
Тог тог тог тог тог гэж дартал,
таван цэг.
Зураас хоорондыг дайруулж таттал од болчихлоо.
Тойруулаад зураасаар холбовол гэрийн дүрс ч болчих шиг.
Тог тог тог тог тог тог гэж дартал,
зургаан цэг.
Чадчихлаа шүү дээ.
Яст мэлхий толгойгоо дотогш оруулчихлаа.
Бас, далай дээрх завь болж байна шүү.
Тог тог тог тог тог тог тог гэж дартал,
долоон цэг.
Юу, юу болох бол?
Олон янзаар оролдож үзтэл үлэг гүрвэл болчихлоо.
Тог тог тог тог тог …
Зөндөө олон цэг.
Бороо орж байна шүү.
Яадаг билээ. Ширүүн салхи салхилаад эхэллээ шүү.
Шуугиж байна.
Битгий хийсээрэй, нааш ир цэгнүүдээ.
Хоорондоо холбогдоод, дарааллаад байж байгаарай.
Хоорондоо холбогдоод өгөөрэй.
Болж байна шүү.
Том тойрогтой болчихлоо.
Ашгүй салхи зогсоод нар гарч ирлээ.
Бид ч гэсэн,
тог тог тог.
Хоорондоо холбогдвол юуг ч хийж чадна.
Бүгдээрээ холбогдоцгооё.
Дэлхийтэй холбогдоцгооё.
Бид ч гэсэн дэлхийн нэгэн цэг билээ.